nosanube

A idea é compartir esforzos e recursos para ter unha serie de servizos autodespregados. O único requisito é que sexan de licenzas abertas ou libres.

Cada participante pode despregar os servizos que queira así como dispor dunha conta nos servizos xa despregados. Nen máis nen menos.

A continuación podes consultar de forma rápida que servizos están dispoñibles e para que serve cada un.

• Gardar contrasinais, credenciais de acceso, datos de tarxetas bancarias, notas, etc nunha caixa forte privada, con posibilidade de gardar arquivos adxuntos (ata 500MB) e podendo agrupar estas en carpetas.
• Crear organizacións e coleccións para compartir esta información de forma segura con outros contactos dentro da aplicación.
• Compartir de forma segura arquivos ou notas mediante unha ligazón con data de caducidade, con/sen contrasinal e con/sen limitación de visualizacións (ata 500MB).
• Usar un Autenticador TOTP para loguearse.
• Xerar contrasinais seguras únicas con lonxitude e regras personalizadas.
• Empregar a extensión oficial de Bitwarden no navegador web.
• Exportar unha copia de seguridade encriptada da caixa forte.

• Compartir mediante ligazón ou QR un lote de arquivos de ata 5GB durante un máximo de 3 días, con/sen contrasinal e con/sen limitación de visualizacións. O espazo de almacenamento total do servizo é compartido entre todas as contas, optimizando así o seu aproveitamento.
• Solicitar a entrega de arquivos mediante ligazón ou QR, coas limitacións xa comentadas.

• Gardar arquivos de forma remota, podendo ter carpetas sincronizadas nos dispositivos locais.
• Compartir carpetas e/ou arquivos con terceiras partes mediante ligazón ou QR, con/sen permisos de edición, así como permitir só engadir arquivos.

• Lector e agregador de feeds RSS

• Forja con control de versións Git

Se queres participar completa o seguinte formulario: (link pendente)